మన శరీరంలో ఎక్కువగా మోకాళ్లు, మోచేతులు నల్లగా ఉంటాయి. మనం కూడా ముఖం మీద పెట్టినంత శ్రద్ధ పెద్దగా వీటిపైన పెట్టం. అలా అని వదిలేయం. ఈ ప్రదేశాలలో చర్మం మందంగా ఉంటుంది. ఆ కారణంగా మృత చర్మం పొర అలాగే అక్కడ పేరుకుపోతోంది. అలా ఆ ప్రాంతం అంతా అంద వికారంగా తయారవుతుంది. అయితే, ఈ ప్రదేశాలలో ఆయిల్ గ్లేడ్స్ లేనందున..చర్మం త్వరగా పొడిగా, నిర్జీవంగా కనిపిస్తుంటుంది.
పాటించాల్సిన చిట్కాలు ఇవే..
పెరుగు నల్లధనాన్ని పోగొడుతుంది. దీనిలో లాక్టిక్ యాసిడ్ ఉంటుంది. ఇది చర్మం రంగును కాంతివంతం చేయడానికి బాగా ఉపయోగపడుతుంది. అలాగే ఇది చర్మాన్ని తేమగా ఉంచడంలో సహాయపడుతుంది. పెరుగును మోచేతులు, మోకాళ్లకు అప్లై చేసి.. కొంతసేపు ఉంచి, తర్వాత నీటితో కడగాలి.
కొబ్బరి నూనెను ఉపయోగించడం ద్వారా మోకాలు, మోచేతుల నలుపు తొలగిపోతుంది. ఇందులో విటమిన్-ఇ పుష్కలంగా ఉంటుంది. ఇది చర్మాన్ని తేమగా ఉంచడంలో సహాయపడుతుంది. కొబ్బరి నూనెను వారానికి 2 నుండి 3 రోజులు ఉపయోగించడం వల్ల చర్మం పొడిబారడం తొలగిపోతుంది.
నిమ్మకాయ, టామోటా, బేకింక్ సోడాతో కూడా మోకాళ్ల నలుపు పోగొట్టుకోవచ్చు. ఒక బౌల్ తీసుకుని అందులో కాస్త నిమ్మరసం వేసి అందులో ఒక టమోటా రసం వేయాలి. టమోట మన శరీరానికి బాగా ఉపయోగపడుతుంది. టాన్ తొలగించటంలో టామోటా చక్కగా పనిచేస్తుంది. ఇంకా ఒక అరటీస్సూపన్ బేకింక్ సోడా వేసి బాగా కలుపండి. ఆ తర్వాత మోకాళ్లను, మోచేతులు బాగా క్లీన్ చేసుకుని ఒక కాటన్ బాల్ తో మనం తయారుచేసుకున్న ఈ రసాన్ని నల్లగా ఉండే ప్రదేశంపై రాయండి. 20 నిమిషాల తర్వాత క్లీన్ చేసుకుంటే సరి. ఇలా వారానికి రెండుమూడు సార్లు చేస్తూ ఉంటే..మార్పు వస్తుంది. ఫేస్ మీద మాత్రం ఇది రాసుకోకూడదు.
గమనిక: పై సమాచారాన్ని బ్యూటీషియన్స్ చెప్పిన వాటి ఆధారంగానే మీకు అందించటం జరిగింది. మీకు వీటిని వాడే సమయంలో ఎలాంటి సైడ్ ఎఫెక్ట్ వచ్చినా వాటిని ఉపయోగించటం మానేయగలరు.
