పోలీసు జాగిలం మృతి.. గౌరవ లాంఛనాలతో అంత్యక్రియలు

ములుగు జిల్లాలో డాగ్ స్క్వాడ్‌లో పనిచేసిన ‘స్కాంపర్’ అనే జాగిలం కిడ్నీ సమస్యతో చికిత్స పొందుతూ మృతి చెందింది. దీంతో మృతి చెందిన పోలీసు జాగిలానికి గౌరవ లాంఛనాలతో అంత్యక్రియలు నిర్వహించారు. మొయినాబాద్ ఐఐటీఏలో శిక్షణ పూర్తి చేసుకుని 2018లో విధుల్లో స్కాంపర్ విధుల్లో చేరినట్లు పోలీసులు తెలిపారు.

గత ఆరేళ్లుగా మందుపాతరలు కనిపెట్టడంలో స్కాంపర్ కీలక సేవలు అందిస్తూ వచ్చింది. అనారోగ్యంతో స్కాంపర్ మృతి చెందడంతో దాని భౌతికకాయానికి పోలీసులు ఘన నివాళులు అర్పించారు. గౌరవ లాంఛనాలతో ఎస్పీ శబరీష్ అంత్యక్రియలు జరిపించారు. పోలీసుల సైతం స్కాంపర్ మృతదేహంపై పూలు వేసి నమస్కరించి సెల్యూట్ చేశారు.దీనికి సంబంధించిన వీడియో ప్రస్తుతం వైరల్ అవుతోంది.