అతనో 25 ఏళ్ళ కుర్రాడు, ఒకమ్మాయిని ప్రాణంగా ప్రేమించాడు. ఆ అమ్మాయిని పెళ్లి చేసుకోమన్ అడిగితే నాకు తెలీదు మానాన్నను అడగమని చెప్పింది. ఈ కుర్రాడు వెళ్లి ఆయనను అడిగాడు. అయితే ఆయన ఒప్పుకోక పోవడంతో ఆవేశంతో చంపేశాడు. సంచలనంగా మారిన ఈ ఘటన ఈశాన్య ఢిల్లీలోని సోనియా విహార్ ప్రాంతంలో జరిగింది. ఈ క్రమంలో తన లవర్ తండ్రిని చంపినందుకు 25 ఏళ్ల వ్యక్తిని అరెస్టు చేసినట్లు పోలీసులు తెలిపారు. సోనియా విహార్ నివాసి నిందితుడు సూరజ్ కుమార్ పాలమ్ మెట్రో స్టేషన్‌లో హౌస్ కీపర్‌గా పనిచేస్తున్నాడు. డిప్యూటీ కమిషనర్ ఆఫ్ పోలీస్ వేద్ ప్రకాష్ దర్యాప్తులో, బాధితుడు మరియు అతని భార్య, సూరజ్ అనే నిందితుడితో సంబంధం ఉన్న ఒక బాలికను దత్తత తీసుకున్నట్లు గుర్తించారు.
ఇప్పుడు 24 ఏళ్ల వయసున్న అమ్మాయి సూరజ్‌తో సంబంధాన్ని కొనసాగించడానికి సుముఖంగా ఉంది. దీంతో ఆమె అసలు తల్లితండ్రుల వద్ద ఆ బాలికను దింపి వచ్చారు. ఈ విషయం తెలియని సూరజ్ మీ అమ్మాయినిచ్చి పెళ్లి చేయమని మళ్ళీ వీళ్ళ ఇంటికి వచ్చాడు. కుదరదని చెప్పి పంపడంతో అతను మామను చంపడానికి ఒక ప్రణాళిక రూపొందించాడు. నవంబర్ 28 నుండి సింగ్ మరియు అతని భార్యను ఫాలో చేయడం ప్రారంభించాడు. సంఘటన జరిగిన రోజు, నిందితుడు దంపతుల వంటగది నుండి కత్తి తీసుకొని అతని తలపై పొడిచి, తరువాత వంటగది నుండి ప్రెజర్ కుక్కర్ తీసుకొని అపస్మారక స్థితికి వచ్చే వరకు అనేకసార్లు అతని తలపై కొట్టాడని డిసిపి తెలిపారు. ఇక సూరజ్ కుమార్ పారిపోబోతున్న సమయంలో షా ఆడిటోరియం సమీపంలో నుంచి అరెస్టు చేసినట్లు పోలీసులు తెలిపారు.
