‘తీస్ మార్ ఖాన్’గా ఆది సాయి కుమార్ వచ్చేస్తున్నాడు..

టాలీవుడ్ సీనియర్ హీరో సాయికుమార్ తనయుడు ఆది సాయికుమార్ ..ఈ సారి పవర్ ఫుల్ పోలీస్ ఆఫీసర్ ..‘తీస్ మార్ ఖాన్’గా ప్రేక్షకుల ముందుకు వచ్చేస్తున్నాడు. ఆది సాయి కుమార్ గత చిత్రాలు అనుకున్న స్థాయిలో ప్రేక్షకుల ఆదరణ పొందలేదు. ఈ నేపథ్యంలో ఈ సారి డెఫినెట్ గా హిట్ అందుకోవాలనే లక్ష్యంతో కాన్ఫిడెంట్ గా వస్తున్నాడు.

కొవిడ్ నేపథ్యంలో ఈ చిత్ర విడుదల వరుసగా వాయిదాలు పడుతూ వచ్చింది. వచ్చే నెల 27న ఈ చిత్రం విడుదల కానుంది. ఈ క్రమంలోనే చిత్ర అప్ డేట్స్ ఒక్కొక్కటి మేకర్స్ ఇచ్చేస్తున్నారు. యాక్షన్ డ్రామాగా వస్తున్న ఈ చిత్రంలో ఆదిసాయికుమార్ కు జోడీగా బోల్డ్ బ్యూటీ RX 100 ఫేమ్ పాయల్ రాజ్ పుత్ నటించింది.

కల్యాణ్ జీ గోగన దర్శకత్వంలో తెరకెక్కిన ఈ పిక్చర్ టీజర్ ను ఈ నెల 18న ఉదయం 11.43 గంటలకు విడుదల చేయనున్నట్లు మేకర్స్ తెలిపారు. విజన్ సినిమాస్ బ్యానర్ పై ఈ పిక్చర్ ను నాగం తిరుపతిరెడ్డి ప్రొడ్యూస్ చేశారు. సునీల్, పూర్ణ, కబీర్ దుహాన్ సింగ్ ఈ సినిమాలో కీలక పాత్రలు పోషించారు.