నిరుద్యోగులకు గుడ్ న్యూస్..ఎల్‌ఐసీ‌లో భారీగా ఉద్యోగాలు

నిరుద్యోగులకు శుభవార్త. కేంద్ర ప్రభుత్వ రంగ సంస్థ LIC లో కీలక విభాగం హౌసింగ్ ఫైనాన్స్ లిమిటెడ్ (HFL).. జూనియర్ అసిస్టెంట్ ఉద్యోగాల భర్తీకి నోటిఫికేషన్ విడుదల చేసింది.అర్హులైన అభ్యర్థులు www.lichousing.com విజిట్ చేసి అప్లై చేసుకోవాలి. ఈ పరీక్ష గడువు ఆగస్టు 14న ముగుస్తుంది.

ఖాళీల వివరాలు:

ఈ నోటిఫికేషన్‌లో రాష్ట్రాల వారీగా ఖాళీలను ప్రకటించింది. మొత్తంగా 200 జూనియర్ అసిస్టెంట్ భర్తీ చేస్తుండగా,అందులో ఆంధ్ర ప్రదేశ్ నుంచి 12, తెలంగాణ నుంచి 31 పోస్టులు ఉన్నాయి.

అప్లికేషన్ ఫీజు:

క్యాండిడేట్స్ అప్లికేషన్ ఫీజుగా రూ.800+ 18శాతం జీఎస్టీ చెల్లించాల్సి ఉంటుంది.

ఏజ్ లిమిట్:

వయసు కనీసం 21 సంవత్సరాలు, గరిష్టంగా 28 సంవత్సరాలలోపు ఉండాలి.

విద్యార్హత :

గుర్తింపు పొందిన యూనివర్సిటీ నుంచి ఏదైనా ఫీల్డ్‌లో బ్యాచిలర్ డిగ్రీ పూర్తిచేసి ఉండాలి. అందులో కనీసం 60 శాతం మార్కులు వచ్చి కంప్యూటర్ ఆపరేటింగ్ నాలెడ్జ్ తెలిసి ఉండాలి.

సెలక్షన్ ప్రాసెస్

అభ్యర్థుల ఎంపిక ప్రక్రియ 2 దశల్లో ఉంటుంది. మొదటి దశలో ఆన్ లైన్ రాత పరీక్ష రెండో దశలో ఇంటర్వ్యూ ఉంటుంది. రాత పరీక్ష సెప్టెంబర్‌లో జరుగుతుంది.

శాలరీ :

నెలకు జీతం రూ.32,000 నుంచి 35,200 మధ్య లభిస్తుంది. ఇందులో అలవెన్సులు, ఇతర ప్రయోజనాలు కలిసి ఉంటాయి.