పశ్చిమ గోదావరి జిల్లా ఏలూరు ప్రజలను భయబ్రాంతులకు గురిచేస్తోన్న అంతు చిక్కని వింత వ్యాధి గుట్టు నేడు తేలిపోనుంది. వివిధ రకాల శాంపిల్స్‌ కు సంబందించిన ఢిల్లీ ఎయిమ్స్‌ రిపోర్ట్స్‌ ఇవాళ రానున్నాయి. దీంతో ఈ వ్యాధికి కారణాలేంటన్న అంశాలు తేలి పోనున్నాయి. ఈ నెల 5న ఏలూరులో వింత వ్యాధి సోకడంతో… వందల సంఖ్యలో జనాలు ఆస్పత్రిలో చేరారు. మూడు రోజుల్లోనే ఆ సంఖ్య 600 దాటింది.
ఫిట్స్‌ రావడంతోపాటు… స్పృహ కోల్పోవడం, వాంతులు, కడుపులో నొప్పి, నరాలు లాగడం, నురక కక్కడంలాంటి లక్షణాలతో జనాలు ఆస్పత్రుల్లో చేరారు. ఏలూరులో మూడు రోజులుగా వింత వ్యాధి కేసులు నమోదు కాలేదు. ఈ వ్యాధి నుంచి ఏలూరు బయటపడినట్లుగా అధికారులు ప్రకటించే అవకాశం ఉండని అంటున్నారు. వింత రోగానికి కారణాలపై నేడు నివేదికలు ఇవ్వనున్న పలు పరిశోధన సంస్థలు. మధ్యాహ్నం మూడుగంటలకు సీయం వీడియో కాన్ఫరెన్స్ నిర్వహించనున్నారు. అనంతరం వింతవ్యాధికి కారణాలు వెల్లడించనుంది ఏపీ ప్రభుత్వం.
