నిరుద్యోగులకు ఉపాధి క‌ల్పించేందుకు గూగుల్ సంస్థ రంగంలోకి దిగింది. ఇందుకోసం ప్రత్యేక కోర్సులను ప్రారంభించనున్నది. *గూగుల్ సర్టిఫికేషన్‌ కోర్సెస్‌* పేరిట ఈ కోర్సులను త్వరలోనే ప్రారంభించనున్నట్టు సంస్థ ప్రకటించింది. మార్కెట్లో మంచి డిమాండ్‌ ఉన్న కోర్సుల్లో ఆరు నెలలు శిక్షణ ఇచ్చి పరీక్ష అధారంగా స‌ర్టిఫికెట్ల‌ను అందజేస్తారు. అయితే.. వీటిని సాధారణ డిగ్రీలుగా పరిగణిస్తామని గూగుల్ పేర్కొన్నది.
ఇక్క‌డ మ‌రొక ఆస‌క్తిక‌ర‌మైన విష‌యం ఏమిటంటే.. ఈ కోర్సులతో నేరుగా గూగుల్‌లో ఉద్యోగం పొందవచ్చు. లేకపోతే ఇతర సంస్థల్లో చేరడానికి గూగుల్ సహాయం చేస్తుంది. కోర్సులు నేర్చుకోవడానికి ఎలాంటి విద్యార్హతలు అవసరం లేదట. విద్యాసంస్థల్లో కాలం చెల్లిన సిలబస్‌ బోధిస్తున్నారన్న ఆరోపణల నేపథ్యంలో గూగుల్ ఈ కోర్సులను ప్రారంభిస్తున్నది. వీటితో సమయం కూడా ఆదా అవుతుందని తెలిపింది.
