బిఆర్ఎస్ కి భయపడే బిజెపి మొనుగోడు ఉప ఎన్నికలకు కుట్ర చేసిందని ఆరోపించారు ఆర్థిక, వైద్య ఆరోగ్య మంత్రి హరీష్ రావు. హయత్ నగర్ లో నిర్వహించిన మునుగోడు నియోజకవర్గ ఎల్ఐసి ఏజెంట్స్ ఆత్మీయ సమావేశంలో పాల్గొన్నారు మంత్రి హరీష్ రావు. ఈ సందర్భంగా ఆయన మాట్లాడుతూ.. జాతీయ పోరాటానికి సిద్ధమైన కేసీఆర్ దృష్టిని మరల్చేందుకే బిజెపి మునుగోడు ఉప ఎన్నికలకు కుట్ర చేసిందని ఆరోపించారు.
ఇది వేలకోట్ల కాంట్రాక్టు ఇచ్చి తెచ్చిన ఉప ఎన్నిక అని.. ప్రజల కోసం కాదని అన్నారు. ఈ ఉప ఎన్నిక రాజగోపాల్ రెడ్డి అహంకారానికి, మునుగోడు ప్రజల ఆత్మగౌరవానికి మధ్య జరిగే ఎన్నిక అన్నారు. మునుగోడులో టిఆర్ఎస్ గెలుస్తోందని జోష్యం చెప్పారు మంత్రి హరీష్ రావు. సీఎం కేసీఆర్ నాయకత్వంలో రాష్ట్రం మరింత అభివృద్ధి చెందుతుందని అన్నారు.
