దిల్లీ షాహదారా జిల్లాలోని ఓ ఆస్పత్రిలో దారుణం జరిగింది. పదహారేళ్ల బాలికపై అక్కడ పని చేస్తున్న దీపక్ అనే ప్యూన్ అత్యాచారానికి పాల్పడ్డాడు. బాలిక బంధువుల ఫిర్యాదుతో ఈ విషయం వెలుగులోకి వచ్చింది. పోలీసులు కేసు నమోదు చేసుకుని దర్యాప్తు ప్రారంభించారు.
ఉత్తర్ప్రదేశ్ ఘాజియాబాద్కు చెందిన దీపక్ దిల్లీలోని షాహదారాలోని ఓ సూపర్ స్పెషాలిటీ ఆస్పత్రిలో ప్యూన్‌గా పని చేస్తున్నాడు. అదే ప్రాంతానికి చెందిన ఓ 16 ఏళ్ల బాలికతో అతనికి పరిచయం ఏర్పడింది. ఇద్దరూ తరచూ మాట్లాడుకునేవారు. ఇద్దరి మధ్య స్నేహం పెరిగింది. ఇదే అదునుగా చేసుకుని ఓ రోజు ఏదో కారణం చెప్పి బాలికను ఆస్పత్రికి పిలిపించాడు.
అతని మాటలు విని బాలిక ఆస్పత్రికి వెళ్లగా ఓ రూంకు తీసుకెళ్లి ఆమెపై అత్యాచారానికి పాల్పడ్డాడు. ఈ విషయాన్ని బాలిక తన సోదరికి చెప్పగా ఆమె తన కుటుంబసభ్యులకు తెలియజేసింది. దీంతో వారు దీపక్పై పోలీస్ స్టేషన్లో ఫిర్యాదు చేశారు. బాలికను వైద్యపరీక్షల నిమిత్తం ఆస్పత్రికి తరలించిన పోలీసులు..సెక్షన్ 376, పోక్సో చట్టం కింద కేసు నమోదు చేసుకొని దర్యాప్తు ప్రారంభించారు.
