మొన్నటి వరకు అందరూ ఐపీఎల్ టోర్నీ పైనే దృష్టి పెట్టారు. ఇక ఐపీఎల్ 15వ తేదీతో ముగిసింది. దీంతో అందరూ టి20 వరల్డ్ కప్ పై ఫోకస్ చేశారు. టి20 వరల్డ్ కప్ 20 21న ప్రారంభమైంది. ప్రస్తుతం క్వాలిఫైడ్ రౌండ్ మ్యాచ్ లు జరుగుతున్నాయి. టీమ్ ఇండియా వామప్ మ్యాచ్ నేడు ఇంగ్లాండ్ లో జరగనుంది. దుబాయ్ క్రికెట్ స్టేడియం లో జరిగే వామప్ మ్యాచ్లో తమ సత్తా చాటేందుకు రెండు జట్లు రెడీ అవుతున్నాయి.
ఇవాళ సాయంత్రం 7:30 గంటలకు ఈ వామప్ మ్యాచ్ ప్రారంభం కానుంది. ఇదిలా ఉండగా టీమ్ ఇండియా అక్టోబర్ 24వ తేదీన దాయాది దేశమైన పాకిస్తాన్ తో తలపడనుంది. ఈ మ్యాచ్ కు ముందు భారత జట్టు ఇంగ్లాండ్ మరియు ఆస్ట్రేలియా తో రెండు మ్యాచ్ లు ఆడాల్సి ఉంది.
ఈరోజు ఇంగ్లాండు తో టీమ్ ఇండియా మొదటి వామప్ మ్యాచ్ ఆడుతోంది. ఈ వామప్ మ్యాచ్ లో… భారత జట్టు అత్యుత్తమ ప్రదర్శన కనబరిస్తే… టి20 వరల్డ్ కప్ లో శుభారంభం వచ్చే అవకాశాలు ఉంటాయి. ఒకవేళ పేలవమైన ప్రదర్శన కనబరిస్తే… టీమిండియాకు ముందు ముందు కష్టాలు తప్పవు.
