ఇండియన్ ప్రీమియర్ లీగ్ 17వ సీజన్ లో భాగంగా మరో ఆసక్తికరమైన మ్యాచ్ ముంబై ఇండియన్స్, రాజస్థాన్ రాయల్స్ మధ్య జరుగుతుంది. ఈ మ్యాచ్లో రాజస్థాన్ రాయల్స్ పేసర్ ట్రెంట్ బౌల్ట్ రికార్డు సృష్టించారు. ఇండియన్ ప్రీమియర్ లీగ్ లో మొదటి ఓవర్లోనే అత్యధిక వికెట్లు(26*) తీసిన బౌలర్గా నిలిచారు. తొలి ఓవర్లో 5వ బంతికి రోహిత్ శర్మ ని ఔట్ చేసి బౌల్ట్ ఈ ఫీట్ సాధించారు. దీంతో భువనేశ్వర్కుమార్ పేరిట ఉన్న రికార్డు(25వికెట్లు) చెరిగిపోయింది. ఇదిలా ఉంటే T20ల్లో హిట్మ్యాన్ను బౌల్ట్ 6సార్లు ఔట్ చేశారు.
కాగా, ఈ మ్యాచ్ లో ముంబై ఇండియన్స్ టాస్ గెలిచి బ్యాటింగ్ ఎంచుకుంది. మొదటగా బ్యాటింగ్ చేస్తున్న ముంబై ఇండియన్స్ లో ఓపెనర్స్ హిట్ మ్యాన్, ఇషాన్ కిషన్ దారుణంగా విఫలమయ్యారు. రోహిత్ శర్మ 6 పరుగులు చేయగా ఇషాన్ కిసాన్ డక్ అవుట్ అయ్యాడు.ఆ తర్వాత వచ్చిన సూర్య కుమార్ యాదవ్ కూడా పది పరుగులు మాత్రమే చేశాడు. ప్రస్తుతం ముంబై బ్యాటర్లలో తిలక్ వర్మ 43 పరుగులు, వదేర 31 పరుగులతో క్రీజులో ఉన్నారు.
