లెజెండరీ హీరోయిన్ శ్రీదేవి కూతురు జాన్వికపూర్ ‘ధడక్’ చిత్రంతో బాలీవుడ్ లోకి హీరోయిన్ గా ఎంట్రీ ఇచ్చింది. అనతి కాలంలోనే స్టార్ హీరోయిన్ స్టేటస్ దక్కించుకున్న ఈ భామ..సోషల్ మీడియాలో చాలా యాక్టివ్ గా ఉంటుంది. ఎప్పటికప్పుడు తన అప్ డేట్స్ సోషల్ మీడియా వేదికగా షేర్ చేస్తూ నెట్టింట అగ్గి రాజేస్తుంటుంది.
హీరోయిన్ జాన్వి కపూర్ నటించిన మూవీ ‘మిలీ’ నవంబర్ 4 న విడుదల కానుంది. మూవీ ప్రమోషన్ లో భాగంగా జాన్వి పలు విషయాలు పంచుకుంది. ‘ఈ మూవీలో పాత్ర కోసం 7.5 కేజీల బరువు పెరిగా. ఈ సినిమా విషయంలో శారీరకంగానే కాదు, మానసికంగా ఇబ్బంది పడ్డా. నేను పోషించిన పాత్రకు సంబంధించిన దృశ్యాలు కలలోకి వచ్చేవి. సరిగ్గా నిద్ర పట్టకపోవడంతో నా ఆరోగ్యం దెబ్బతింది. మూడు రోజులు పెయిన్ కిల్లర్స్ వాడా’ అని జాన్వి చెప్పుకొచ్చింది.
