ఎంతో ప‌విత్ర‌మైన కార్తీక మాసంలో భక్తి టీవీ నిర్వహించే కోటి దీపోత్సవం కార్యక్రమానికి ఎంతో పేరుందన్న విష‌యం తెలిసిందే. ఎన్నో ఏళ్లుగా న‌రేంద్ర చౌద‌రి ఈ కార్యక్రమాన్ని చాలా ప్ర‌తిష్టాత్మ‌కంగా నిర్వ‌హిస్తున్నారు. ఒక సీజ‌న్ లో గంగా న‌దిలో స్నానం చేయ‌డానికి ఎలా వెళ్తారో, అయ్య‌ప్ప స్వాములు ఎలా గుర్తొస్తారో.. కార్తీక మాసం అన‌గానే కోటి దీపోత్సవం కూడా భ‌క్తుల‌కు అంతే గుర్తొస్తుంది.
దీంతో ఈ ఏడాది ఎలా అయినా స‌రే కోటి దీపోత్స‌వాన్ని అంగ‌రంగ వైభవంగా, సాక్షాత్తూ భ‌గ‌వంతుడే భువికి దిగివ‌చ్చాడా అనే రీతిలో ఈ కార్యక్రమాన్ని జ‌ర‌పాల‌ని న‌రేంద్ర చౌద‌రి నిర్ణ‌యించుకున్న‌ట్లు తెలుస్తోంది. ఇప్ప‌టికే దానికి సంబంధించిన ప‌నుల‌ను కూడా మొద‌లుపెట్టార‌ని, న‌వంబ‌ర్ రెండ‌వ వారంలో కోటి దీపోత్సవం మొద‌లుకానుంద‌ని స‌న్నిహిత వ‌ర్గాలు చెప్తున్నాయి. అంటే రేపటి నుండి (న‌వంబ‌ర్ 12/11/2021 కోటి దీపోత్సవం) కోటి దీపాల వెలుగులు, ఆ దీపాల కంటే ఎక్కువ‌గా ప్ర‌కాశించే ఆడ‌ప‌డుచుల క‌ళ్లతో హైద‌రాబాద్ క‌ళ‌క‌ళ‌లాడ‌నుంది.
