తాజాగా మధ్యప్రదేశ్ రాష్ట్రంలో ఖర్గోన్ జిల్లాలో బస్ బ్రిడ్జి పై నుండి వెళుతూ కాలువలో పడి ప్రమాదం జరగడం వలన ప్రయాణిస్తున్న వారిలో మొత్తం 15 మంది ప్రయాణికులు మృతి చెందినట్లు అధికారిక సమాచారం. ఇక ఈ ప్రమాదానికి డ్రైవర్ ప్రధాన కారణమని పోలీసులు నిర్ధారణకు వచ్చినట్లు తెలుస్తోంది. దీనితో మధ్యప్రదేశ్ రాష్ట్రము అంతటా విషాదచాయాలు అలుముకున్నాయి. కాగా ఈ ప్రమాదంలో మృతి చెందిన వారికి వారి కుటుంబాలకు రూ. 4 లక్షలు పరిహారం అందించడానికి మధ్యప్రదేశ్ ప్రభుత్వం నిర్ణయించింది. కాగా ఈ ప్రమాదంలో గాయాల పాలైన 25 మందికి కూడా రెండు రకాలుగా పరిహారం అందించనుంది.
