జార్ఖండ్ ధన్బాద్లో ఘోర అగ్నిప్రమాదం చోటు చేసుకుంది. 400 మంది నివాసం ఉంటున్న 13 అంతస్తుల అపార్ట్మెంట్లో అకస్మాత్తుగా మంటలు చెలరేగాయి. ఈ ఘటనలో 14 మంది అక్కడికక్కడే సజీవ దహమయ్యారు. మరి కొంతమంది తీవ్రంగా గాయపడ్డారు.
జోడా పాఠక్ ప్రాంతంలోని ఆశీర్వాద్ టవర్ అపార్ట్మెంట్లో ఈ ప్రమాదం జరిగింది. కొంత మంది అపార్ట్మెంట్ వాసులు మంటల్లో చిక్కుకున్నట్లు అధికారులు తెలిపారు. ఈ అపార్ట్మెంట్లో 400 మంది ఉంటున్నట్లు తెలిపారు. సమాచారం అందుకున్న వెంటనే అగ్నిమాపక దళాలు ఘటనాస్థలికి చేరుకున్నాయి. వెంటనే మంటలు ఆర్పే ప్రక్రియ ప్రారంభించాయి.
