నా కొడుకును ఐటీ అధికారులు కొట్టారని మంత్రి మల్లారెడ్డి సంచలన వ్యాఖ్యలు చేశారు. మంత్రి మల్లారెడ్డి, బంధువుల ఇళ్లలో ఐటీ దాడులు కొనసాగుతోన్నాయి. ఈ నేపథ్యంలోనే.. మల్లారెడ్డి కుమారుడు మహేందర్‌రెడ్డికి అస్వస్థత నెలకొంది. ఛాతి నొప్పి రావడంతో మహేందర్‌రెడ్డిని.. సురారంలోని ఆస్పత్రికి తరలించారు.
ఈ తరుణంలోనే.. తన కొడుకు మహేందర్ రెడ్డిని చూసేందుకు సూరారంలోని ఆస్పత్రికి వెళ్లారు మంత్రి మల్లారెడ్డి. మంత్రితో పాటు ఆస్పత్రికి ఐటీ అధికారులు వెళ్లారు. ఈ సందర్భంగా మీడియాతో మల్లారెడ్డి మాట్లాడుతూ.. మేమేం దొంగ వ్యాపారాలు చేయడం లేదని ఆగ్రహించారు. నా కొడుకును ఐటీ అధికారులు కొట్టారని.. అందుకే ఆస్పత్రి పాలయ్యాడని నిప్పులు చెరిగారు. 200 మంది ఐటీ అధికారులు దాడులు చేసారని ఆగ్రహించారు మంత్రి మల్లారెడ్డి.
