ఏపీ డిప్యూటీ సీఎం పవన్ కళ్యాణ్‌పై తన అన్న నాగబాబు ఇంట్రెస్టింట్ ట్వీట్ చేశారు. ప్రస్తుతం ఇది తెగ వైరల్ అవుతోంది. తన తమ్ముడిని ఆకాశానికెత్తేస్తూ.. పొగడ్తల వర్షం కురిపించారు. ‘గెలిచే ప్రతి నాయకుడు హీరోనే, కానీ ప్రతి హీరో నాయకుడు కాలేడు. నాయకుడంటే గెలిచే వాడే కాదు. నమ్మిన సిద్ధాంతాల కోసం సైధ్దాంతిక విలువల కోసం. అవి నమ్మి నడిచే వ్యక్తుల కోసం. నీడై నిలబడేవాడు. తోడై నడిపించేవాడు. వారి గమ్యంలో గెలుపుని చూసుకునే వాడు. వారి గెలుపులో మరో గమ్యాన్ని వెతుక్కునే వాడు. అలాంటి అరుదైన నాయకుడే నా నాయకుడు.ప్రస్తుతం దేశ రాజకీయాల్లో గేమ్ ఛేంజర్ పవన్ కల్యాణ్’అని కితాబిచ్చారు.
ఇదిలాఉండగా, గత ఏపీ అసెంబ్లీ ఎన్నికల్లో పవన్ కళ్యాణ్ 100 శాతం స్ట్రైక్ రేటుతో విజయం సాధించడంతో పాటు తాజాగా శనివారం వెలువడిన మహారాష్ట్ర అసెంబ్లీ ఫలితాల్లో పవన్ కళ్యాణ్ ప్రచారం చేసిన నియోజకవర్గాల్లో ఎన్డీయే కూటమి అభ్యర్థులు ఘన విజయం సాధించిన విషయం తెలిసిందే. మొత్తం 5 స్థానాల్లో మహాయుతి కూటమి అభ్యర్థులు గెలుపొందారు. అక్కడ కూడా 100 శాతం స్ట్రైక్ రేటు కనిపించిందని జాతీయ మీడియా ప్రశంసిస్తోంది.
