ఆర్జీవీ మర్డర్‌ సినిమా నిలిపివేతకు నల్గొండ జిల్లా కోర్టు ఆదేశాలు

రాంగోపాల్ వర్మ రూపొందిస్తున్న మర్డర్ సినిమాకు సంబంధించిన కేసు విచారణను… నల్గొండలోని ఎస్సీ, ఎస్టీ కోర్టు పూర్తి చేసి కీలక తీర్పును ఇచ్చింది.మర్డర్‌ సినిమా నిలిపివేయాలని నల్గొండ జిల్లా కోర్టు మధ్యంతర ఉత్తర్వులు జారీ చేసింది. మిర్యాలగూడ అమృత, ప్రణయ్,​ మారుతీరావు ఘటనపై రామ్​గోపాల్​వర్మ చిత్రం చివరికి ఈ విధంగా ముగిసింది.ఈ దుమారం రామ్ గోపాల్ వర్మ రిలీజ్ చేసిన ఓ ఫోటోతో మొదలు అయింది.

ఓ తండ్రి కుమార్తెను అతిగా ప్రేమిస్తే ఎంత ప్ర‌మాద‌మో తెలిపే అమృత‌, మారుతీరావు క‌థ‌తో తెర‌కెక్కించ‌బోతున్న ఈ చిత్రం హృద‌యాల్ని క‌దిలిస్తుంది. శాడ్ ఫాద‌ర్స్ ఫిల్మ్ పోస్ట‌ర్‌ను ఫాద‌ర్స్ డే రోజున విడుద‌ల చేస్తున్నా” అని వ‌ర్మ ట్వీట్ చేశారు. ఆ తర్వాత ఇదే విషయమై అమృత స్పందించారంటూ ఓ పోస్ట్‌ సోషల్‌మీడియాలో హల్‌చల్‌ చేయడం వల్ల.. “కొంద‌రిని చెడుగా చూపించ‌డానికి నేను ఈ సినిమాను తీస్తున్నాను అనుకోవ‌డం సరికాదు. ఎందుకంటే.. ఏ వ్య‌క్తి చెడు కాదని నేను గ‌ట్టిగా న‌మ్ముతా. కేవ‌లం ప్ర‌తికూల‌ ప‌రిస్థితులు వ్య‌క్తిని చెడ్డ‌వాడిని చేస్తాయి. అలా ప్ర‌వ‌ర్తించేందుకు కార‌ణ‌మౌతాయి. దీన్నే నేను ‘మ‌ర్డ‌ర్’లో చూపించాలి అనుకుంటు‌న్నా. ఆ ప్ర‌క‌ట‌న రాసిన వారికి నేను చివ‌రిగా ఒక‌టి చెబుతున్నా.. మ‌నుషుల‌పై, వారి ఫీలింగ్స్‌పై నాకు గౌరవం ఉంది. వారు ప‌డ్డ బాధ‌ను, నేర్చుకున్న పాఠాన్ని గౌర‌విస్తూ మ‌ర్డ‌ర్ తీయ‌బోతున్నా” అని వ‌ర్మ ఈ సినిమా గురుంచి మొదటి లో పేర్కొన్నారు.