వీడియోకాన్, ఐసీఐసీఐ బ్యాంక్‌ లోన్‌ ఫ్రాడ్‌ కేసులో వీడియోకాన్ గ్రూప్ ఛైర్మన్ వేణుగోపాల్ ధూత్ దాఖలు చేసిన పిటిషన్‌పై బాంబే హైకోర్టు ఇవాళ విచారణ జరిపింది. సీబీఐ తనను అరెస్ట్‌ చేయడాన్ని సవాల్‌ చేస్తూ వేణుగోపాల్ ధూత్ ఈ పిటిషన్ దాఖలు చేశారు. ఈ వ్యాజ్యంపై విచారణ చేపట్టిన ధర్మాసనం తీర్పును వెల్లడి చేయకుండా రిజర్వ్‌లో పెట్టింది.
చందాకొచ్చర్ ఐసీఐసీఐ బ్యాంక్‌ సీఈవోగా ఉన్న సమయంలో వీడియోకాన్ కంపెనీ దాదాపు రూ.2 వేల కోట్ల లోన్‌ తీసుకుంది. ఆ లోన్‌ మంజూరులో అవినీతి చోటుచేసుకుందంటూ సీబీఐ కేసు నమోదు చేసింది. లోన్‌ మంజూరు చేసిన చందాకొచ్చర్‌ను, తీసుకున్న వీడియోకాన్ చైర్మన్‌ను, డీల్‌ నడిపించిన చందాకొచ్చర్ భర్త దీపక్‌ కొచ్చర్‌ను సీబీఐ అరెస్ట్‌ చేసి విచారణ జరుపుతోంది.
