చిన్నప్పుడు స్కూల్కు మన పేరెంట్స్ వచ్చినప్పుడు ప్రిన్సిపాల్ వారితో ఏం చెబుతారోనని తెగ కంగారు పడే వాళ్లం కదూ. ఆ సమయంలో మన మెదడులో ఎన్ని ఆలోచనలు తిరుగుతాయో మాటల్లో వర్ణించడం కష్టమే. ఇప్పుడు అదే అనుభూతిని పొందారు కేంద్ర మంత్రి స్మృతి ఇరానీ. అదేంటి ఆమె కూడా స్కూల్కు వెళ్లారా అనుకుంటున్నారా. అదేం లేదు.. కానీ ప్రిన్సిపాల్ లాంటి తన బాస్, తన తండ్రి ఒక దగ్గర చేరేసరికి స్మృతి ఇరానీ కూడా ఇలాంటి అనుభూతినే పొందారట. ఇదే విషయాన్ని తన సోషల్ మీడియాలో పోస్టు చేశారు. ఇంతకీ ఆ పోస్టులో ఏం ఉందంటే..?
కేంద్రమంత్రి స్మృతి తండ్రి అజయ్‌ కుమార్‌ మల్హోత్రా ప్రధాని మోదీని మర్యాదపూర్వకంగా కలిశారు. వీరి భేటీని పేరెంట్‌-టీచర్ మీటింగ్తో పోలుస్తూ స్మృతి ఇరానీ సోషల్ మీడియాలో పోస్టు పెట్టారు. ‘మన బాస్, మన తల్లిదండ్రులు ఒక దగ్గర కూర్చున్నారంటే కంగారొచ్చేస్తుంది. వారిద్దరూ కలిసి మనపై పోటీ పడి ఫిర్యాదులు చెప్పకూడదని ప్రార్థించుకోవాలి. పేరెంట్స్-టీచర్ మీటింగ్ జరుగుతోంది’ అని ఇరానీ ఈ పోస్టు కింద క్యాప్షన్లో రాసుకొచ్చారు. అంతే కాకుండా బిజీ షెడ్యూల్‌లో కూడా తమకు సమయం కేటాయించినందుకు మోదీకి కృతజ్ఞతలు తెలిపారు.
When your boss makes time in his busy schedule for your father , when all your parent ever asks for is an opportunity to say – Thank you Prime Minister for all the glory you bring to India , for all that you do for our Nation .. #grateful 🙏 pic.twitter.com/zI7wxjpy4L
— Smriti Z Irani (@smritiirani) December 7, 2023
