అయోధ్య రామమందిరం కూల్చివేతకు పీఎఫ్ఐ కుట్ర

అయోధ్యలో నిర్మిస్తున్న రామమందిరాన్ని ధ్వంసం చేయాలని పీఎఫ్ఐ ప్లాన్ చేసినట్లు తెలిపింది మహారాష్ట్ర ఏటీఎస్. రామ మందిరాన్ని కూల్చి ఆ స్థానంలో బాబ్రీ మసీదును నిర్మించాలని పథకరచన చేసినట్లు తన దర్యాప్తులో తేలినట్లు వెల్లడైంది. నిషేధిత పీఎఫ్ఐకి చెందిన పలువురిని అరెస్టు చేసి ప్రశ్నించిన యాంటీ టెర్రరిజం స్క్వాడ్(ఏటీఎస్).. సమాజంలో అశాంతి చెలరేగేలా కుట్రలు పన్నినట్లు గుర్తించింది. రామ మందిరాన్ని కూల్చివేయడం, ఆ స్థానంలో బాబ్రీ మసీదును నిర్మించడం, 2047 నాటికి భారత్​ను ముస్లిం దేశంగా మార్చడం అందులో భాగమని నాసిక్ కోర్టుకు ఏటీఎస్ తెలిపింది.