తెలంగాణ రాష్ట్ర ప్రజలకు బిగ్ అలర్ట్. తెలంగాణ రాష్ట్రంలోని పలు జిల్లాల్లో ఇవాళ వర్షాలు కురుస్తాయని తెలంగాణ రాష్ట్ర విపత్తు నిర్వహణ సంస్థ వెల్లడించింది. రేపు, ఎల్లుండి చాలా చోట్ల మోస్తారు వర్షాలు కురిసే అవకాశం ఉందని పేర్కొంది. కాగా, నిన్న నల్గొండ, సూర్యాపేట, ఖమ్మం, కొత్తగూడెం, ములుగు, పెద్దపల్లి జిల్లాలో సాదరణం కన్నా ఎక్కువ ఉష్ణోగ్రతలు నమోదైనట్లు వెల్లడించింది.
అయితే హైదరాబాద్ లో మాత్రం కాస్త ఉష్ణోగ్రతలు పెరిగిపోయాయి. కానీ హైదరాబాద్ లో ఇవాళ వర్షాలు పడే ఛాన్స్ ఉందని విపత్తు నిర్వహణ సంస్థ వెల్లడించింది. అటు ఆంధ్ర ప్రదేశ్ రాష్ట్ర ప్రజలకు కీలక ఆదేశాలు జారీ చేసింది వాతావరణ శాఖ. ఆంధ్ర ప్రదేశ్ రాష్ట్రంలోని పలు జిల్లాల్లో ఇవాళ వర్షాలు కురుస్తాయని రాష్ట్ర విపత్తు నిర్వహణ సంస్థ వెల్లడించింది. పార్వతీపురం మన్యం, అల్లూరి సీతారామరాజు, ఏలూరు జిల్లాలోని కొన్ని ప్రాంతాల్లో తేలికపాటి నుండి మోస్తారు వర్షాలు, మిగిలిన జిల్లాలో తేలికపాటి వర్షం పడే అవకాశం ఉందని తెలిపింది.
