ప్రముఖ బాలీవుడ్ కమెడియన్ రాజు శ్రీవాస్తవ కన్నుమూశారు. ఆయన గత కొన్ని రోజులుగా గుండె సంబంధిత సమస్యతో బాధ పడుతున్నారు. అయితే గత నెల 10న గుండెనొప్పితో దిల్లీలోని ఎయిమ్స్ ఆస్పత్రిలో చేరారు. ఈ రోజు ఆస్పత్రిలో ఆరోగ్య పరిస్థితి విషమించి తుది శ్వాస విడిచారు. ఈ విషయాన్ని ఆయన కుటుంబ సభ్యులు తెలిపారు.
రాజు శ్రీవాస్తవ మరణంతో బాలీవుడ్లో విషాదం అలుముకుంది. రాజు కుటుంబానికి బాలీవుడ్ సెలబ్రిటీలు సానుభూతి తెలుపుతున్నారు. రాజు శ్రీవాత్సవ మరణం బాలీవుడ్ కామెడీకి తీరని లోటని పలువురు కమెడియన్లు అభిప్రాయపడ్డారు. ఆయన మృతిపట్ల దిగ్భ్రాంతి వ్యక్తం చేశారు. సోషల్ మీడియాలో #RIPComedyKing, #RIPRajuSrivastav అనే హాష్ ట్యాగ్లతో ఫ్యాన్స్ ట్రెండ్ చేస్తున్నారు. వి మిస్ యూ రాజు భాయ్ అంటూ పోస్టులు పెడుతున్నారు.
