స్టార్‌ దర్శకుడు శంకర్ డైరక్షన్ లో రెండు దశాబ్ధాల క్రితం రిలీజైన సినిమా ఇండియన్. అప్పట్లో సంచలన విజయం అందుకున్న ఈ సినిమాకు సీక్వల్ గా ఇన్నాళ్లకు ముహుర్తం కుదిరింది. శంకర్, కమల్ మళ్లీ అదే కాంబినేషన్ లో ఇండియన్ సీక్వల్ గా ఇండియన్-2 వస్తుంది.
లైకా ప్రొడక్షన్స్ లో సుభాస్కరణ్ ఈ సినిమాను నిర్మిస్తున్నారు. కాగా, డైరెక్టర్ శంకర్, హీరో కమల్ హాసన్ కాంబినేషన్ లో ఇండియన్-2 సినిమా శరవేగంగా తెరకెక్కుతోంది. ఇందులో సముద్రఖని సహా ఏడుగురు విలన్లు, ముగ్గురు హీరోయిన్లు నటిస్తున్నారని కోలీవుడ్ మీడియాలో వార్తలు వస్తున్నాయి. త్వరలోనే పూర్తి వివరాలను మేకర్స్ వెల్లడిస్తారని సమాచారం. కాగా ప్రస్తుతం చెన్నైలో భారీ యాక్షన్ సన్నివేశాల చిత్రీకరణ జరుగుతోంది.
