2020లో రిలీజైన సినిమాలన్నింటిలోకి ఉత్తమ చిత్రంగా చెప్పుకునే ఆకాశం నీ హద్దురా ఆస్కార్ బరిలోకి వెళ్ళనుంది. ఇప్పటివరకు మన దేశం నుండి పంపిన చిత్రాలన్నింటినీ దాటుకుని ఆకాశం నీ హద్దురా ఎంట్రీలోకి వెళ్ళింది. తాజా సమాచారం ప్రకారం బెస్ట్ యాక్టర్, బెస్ట్ డైరెక్టర్, బెస్ట్ యాక్ట్రెస్ విభాగాల్లో ఎలిజిబిలిటీ టెస్టులోకి ఎంటర్ అయినట్లు తెలుస్తుంది. అక్కడ గెలవగలిగితే గనక ఆస్కార్ గెలవడానికి మరింత ముందుకు వెళ్ళినట్లే. కరోనా మహమ్మారి వల్ల థియేటర్లలో రిలీజ్ కాలేకపోయిన ఈ చిత్రం సూర్య కెరీర్లో అద్భుతమైన చిత్రంగా నిలిచింది.
అప్పటి వరకూ ఫ్లాపుల్లో ఉన్న సూర్యకి ఆకాశం నీ హద్దురా సినిమా మంచి పేరుని తీసుకువచ్చింది. ఇందులో సూర్య నటనకి విమర్శకుల నుండి ప్రశంసలు దక్కాయి. అటు హీరోయిన్ గా చేసిన అపర్ణ బాలమురళికి కూడా మంచి పేరు వచ్చింది. తెలుగు ప్రాంతానికి చెందిన సుధ కొంగర దర్శకత్వం చేసిన ఈ సినిమా అస్కార్ దాకా వెళ్తుందో లేదో చూడాలి.
