దేశవ్యాప్తంగా లోక్ సభ ఎన్నికల షెడ్యూల్ విడుదల అయిన విషయం తెలిసిందే. ఈ నేపథ్యంలో ఇప్పటికే పలు పరీక్షల తేదీలు మారుతున్నాయి. తాజాగా పార్లమెంట్ ఎన్నికల నేపథ్యంలో తెలంగాణలో ఎంట్రన్స్ పరీక్షల తేదీల్లో అధికారులు మార్పులు చేశారు. EAPCET (పాత ఎంసెట్) అగ్రి అండ్ ఫార్మా పరీక్షను మే 7, 8 తేదీల్లో నిర్వహిస్తామని పేర్కొన్నారు. మే 9, 10, 11 తేదీల్లో ఈఏపీసెట్ ఇంజినీరింగ్ ఎగ్జామ్ ఉంటుందని వెల్లడించారు. ఐసెట్ పరీక్ష తేదీలను జూన్ 5, 6 తేదీలకు మార్చామన్నారు.
కాగా,ఏప్రిల్ 19వ తేదీ నుంచి పోలింగ్ ప్రారంభమవుతుండగ,జూన్ 04న ఎన్నికల కౌంటింగ్ చేపట్టనున్నట్టు సీఈసీ రాజీవ్ కుమార్ వెల్లడించారు.ఇక తెలంగాణ, ఆంధ్రప్రదేశ్ రాష్ట్రాలలో మే 13న ఎన్నికలు జరగనున్నట్లు వెల్లడించింది.