ఏపీ డిప్యూటీ సీఎం పవన్ కళ్యాణ్ పేరు ప్రస్తుతం దేశవ్యాప్తంగా మారుమోగుతోంది.మహారాష్ట్ర అసెంబ్లీ ఎన్నికల తర్వాత ఆయన ఓవర్ నైట్ పొలిటికల్ స్టార్ అయిపోయారు. మహారాష్ట్రలో ఆయన ఐదు స్థానాల్లో ప్రచారం చేయగా అన్ని స్థానాల్లోనూ బీజేపీ కూటమి సభ్యులు గెలుపొందారు. ఫలితాల తర్వాత రెండ్రోజులు ‘ట్రూ పాన్ ఇండియన్ పొలిటికల్ హీరో’ అని పవన్ కల్యాణ్ ఫ్యాన్స్ నెట్టింట ట్రెండ్ చేశారు.
ఈ క్రమంలోనే సోమవారం రాత్రి ఢిల్లీలో లోక్‌సభ స్పీకర్ ఓం బిర్లా కూతురు అంజలి వివాహా వేడుక గ్రాండ్‌‌గా జరిగింది. దీనికి డిప్యూటీ సీఎం పవన్ కళ్యాణ్ హాజరయ్యారు. అదే ఫంక్షన్‌కు తెలంగాణ ఎంపీలు కొండా విశ్వేశ్వర్ రెడ్డి, రఘునందన్ రావు పవన్ కల్యాణ్‌తో కలిసి ఫొటో దిగారు. ఈ పిక్స్ ప్రస్తుతం సోషల్ మీడియాలో వైరల్ అయ్యాయి. ఇదే కార్యక్రమానికి తెలంగాణ సీఎం రేవంత్ రెడ్డి కూడా హాజరయ్యారు.ఆయనతో పాటు శాసన సభ స్పీకర్ గడ్డం ప్రసాద్ కుమార్, మంత్రి ఉత్తమ్ కుమార్ రెడ్డి, భువనగిరి ఎమ్మెల్యే చామల కిరణ్ కుమార్ రెడ్డి సైతం హాజరయ్యారు.
