తెలంగాణకు కేంద్ర ప్రభుత్వం అదిరిపోయే శుభవార్త చెప్పింది. దేశంలోని 16 రాష్ట్రాలకు మూలధన పెట్టుబడి కింద రూ. 56,415 కోట్లు విడుదల చేసేందుకు కేంద్ర ఆర్థిక శాఖ ఆమోదం తెలిపింది. ప్రత్యేక సాయం కింద ఈ నిధులు ఇవ్వనుండగా… తెలంగాణకు రూ. 2,102 కోట్లు, అత్యధికంగా బీహార్ కు రూ. 9,640 కోట్లు కేటాయించింది.
ఈ జాబితాలో ఏపీకి మాత్రం చోటు దక్కలేదు. 2023-24కు గాను ‘స్పెషల్ అసిస్టెన్స్ టు స్టేట్స్ ఫర్ క్యాపిటల్ ఇన్వెస్ట్మెంట్’ పేరిట ప్రత్యేక పథకాన్ని కేంద్రం ప్రకటించింది. కాగా, మహారాష్ట్రలో రెండ్రోజుల పర్యటనకు సోమవారం రోజున హైదరాబాద్ నుంచి బయల్దేరిన సీఎం కేసీఆర్ సాయంత్రానికి సోలాపూర్ చేరుకున్నారు. అక్కడ బీఆర్ఎస్ శ్రేణులు కేసీఆర్కు ఘన స్వాగతం పలికారు. అనంతరం సోలాపూర్ నేత భగీరథ బాల్కే.. ఇతరులు బీఆర్ఎస్లో చేరారు. స్థానిక నేతలు, తెలంగాణ నుంచి వలస వెళ్లిన చేనేత కుటుంబాలు కేసీఆర్ను కలిశారు. అనంతరం రాత్రి అక్కడే బస చేశారు.
