ఎన్టీఆర్ ‘అరవింద సమేత’లో ఐదు రూపాయల ఫ్యాక్షన్ ఓల్డ్ ట్రెండ్ తెలంగాణలో చోటు చేసుకుంది. ఓరుగల్లులో రూపాయి గొడవ జరుగడంతో..ఓ వ్యక్తి మృతి చెందాడు. ఈ సంఘటన వివరాలు ఇలా ఉన్నాయి. వరంగల్ లోని గాంధీనగర్ కాలనీలో దారుణం చోటు చేసుకుంది.
బిర్యానీ సెంటర్ లో ఇద్దరి మధ్య ఒక్క రూపాయి విషయంలో ఘర్షణ మొదలవగా.. ఆ ఘర్షణలో ప్రేమ్ సాగర్ అనే వ్యక్తి మృత్యువాత పడ్డాడు. 59 రూపాయల బిర్యానీకి, 60 రూపాయలు ఆన్లైన్‌లో పే చేసిన అరవింద్ అనే యువకుడు.. రూపాయి విషయంలో ఇద్దరి మధ్య వాగ్వివాదం.. తోపులాటలో కిందపడ్డ ప్రేమ్ సాగర్ చిన్నమెదడు చిట్లి మృతి చెందాడు. కేసు నమోదు చేసుకొని, మిల్స్ కాలనీ పోలీసులు దర్యాప్తు చేస్తున్నారు.
