మలి విడత అభ్యర్థుల జాబితాపై బిజెపి కసరత్తు మొదలుపెట్టింది. నవంబర్ 1న జరగనున్న ఆ పార్టీ పార్లమెంటరీ బోర్డు సమావేశంలో ఆ జాబితాను ఫైనల్ చేస్తారని తెలుస్తోంది. అదే రోజు లేదా 2న జాబితాను ప్రకటించే అవకాశం ఉన్నట్లు సమాచారం. కొన్ని స్థానాల్లో ఎవరిని పోటీకి నిలబెట్టేది కాంగ్రెస్ అభ్యర్థుల ప్రకటన తర్వాతే స్పష్టత వస్తుందని బిజెపి వర్గాలు పేర్కొంటున్నాయి. ఆ పార్టీ ఇప్పటికే 52 మంది అభ్యర్థులను ప్రకటించింది.
కాగా, తెలంగాణ ఎన్నికల్లో పోటీ చేయాలని ఇటీవలే జనసేన పార్టీ నిర్ణయించిన విషయం తెలిసిందే. రాష్ట్రంలో 32 స్థానాల్లో పోటీ చేయాలని నిర్ణయించినట్లు ఇటీవలే ప్రకటించింది. అయితే ఆ స్థానాలకు అభ్యర్థులను ఇంకా ప్రకటించాల్సి ఉంది. మరోవైపు తెలంగాణలో బీజేపీతో జనసేన పొత్తు పెట్టుకుందనే ప్రచారం సాగుతోంది. కానీ దీనిపై ఇంకా స్పష్టత రాలేదు. అయితే తాజాగా ఈ వ్యవహారంపై ఇవాళ క్లారిటీ రానున్నట్లు తెలుస్తోంది.
