రాష్ట్రంలో కాంగ్రెస్ అభ్యర్థులు నామినేషన్ల ప్రక్రియ వేగంగా కొనసాగుతోంది. పెండింగ్లో ఉన్న ఖమ్మం , కరీంనగర్ , హైదరాబాద్ మినహా మిగిలిన 14 లోకసభ స్థానాల్లో అభ్యర్థులు నామినేషన్లు వేస్తున్నారు. ప్రతి నామినేషన్ కార్యక్రమానికి సీఎం రేవంత్ రెడ్డి హాజరవుతున్నారు. ఈ నేపథ్యంలో ఇవాళ ఒక్కరోజే ఏకంగా మూడు పార్లమెంట్ నియోజకవర్గాల్లో ముఖ్యమంత్రి రేవంత్ రెడ్డి పర్యటించనున్నారు.
ఆదిలాబాద్, నిజామాబాద్, మల్కాజ్గిరి లోక్ సభ నియోజకవర్గాల్లో పర్యటిస్తారు. ఆత్రం సుగుణ , జీవన్ రెడ్డి , సునీత మహేందర్ రెడ్డి నామినేషన్ల కార్యక్రమాలకు రేవంత్ హాజరు కానున్నారు. భారీ ర్యాలీతో తరలి వెళ్లి ఈ అభ్యర్థులు నామినేషన్ వేయనున్నారు. రేపు నాగర్కర్నూల్ పర్యటన ఉండే అవకాశం ఉన్నట్లు పీసీసీ వర్గాలు వెల్లడిస్తున్నాయి.
నేడు 3 లోక్‌సభ నియోజకవర్గాల్లో రేవంత్ రెడ్డి బహిరంగ సభల షెడ్యూల్ ఇదే
ఇవాళ ఉదయం 11 గంటలకు ఆదిలాబాద్‌లో కాంగ్రెస్ సభ
ఇవాళ మధ్యాహ్నం ఒంటి గంటకు నిజామాబాద్‌లో కాంగ్రెస్ సభ
సాయంత్రం 4.15 గం.కు మల్కాజ్‌గిరిలో కాంగ్రెస్ సభ
