ఇల్లులేని వారికి సీఎం రేవంత్‌ శుభవార్త..4.50 లక్షల మందికి రూ.5 లక్షలు !

ఇల్లులేని వారికి సీఎం రేవంత్‌ రెడ్డి శుభవార్త చెప్పడం జరిగింది. స్వాతంత్య్ర దినోత్సవం సందర్భంగా గౌరవ ముఖ్యమంత్రి ఎనుముల రేవంత్ రెడ్డి మాట్లాడుతూ… ఎన్నికల మానిఫెస్టోలో పేర్కొన్న విధంగా ఇందిరమ్మ ఇండ్లు పేరుతో నూతన గృహనిర్మాణ కార్యక్రమాన్ని ప్రారంభించామని ప్రకటన చేశారు.

ఈ పథకం ద్వారా ప్రతీ నియోజకవర్గంలో కనీసం 3,500 ఇళ్ళ చొప్పున ఈ ఆర్థిక సంవత్సరంలో 4,50,000 ఇళ్ళ నిర్మాణం లక్ష్యంగా పెట్టుకున్నామని వెల్లడించారు. ఈ పథకం కింద పేదలు ఇళ్ళు కట్టుకోవడానికి 5 లక్షల రూపాయలు ప్రభుత్వం చెల్లిస్తుందని స్పష్టం చేశారు సీఎం రేవంత్‌ రెడ్డి.