వరంగల్ లో సీఎం రేవంత్‌రెడ్డి సభ నేపథ్యంలో..కాకతీయ వర్సిటీ కాలేజ్ గ్రౌండ్ ధ్వంసం చేసినట్లు వార్తలు వస్తున్నాయి. కాంగ్రెస్ సభ నేపథ్యంలో..అధికారులే దగ్గరుండి ధ్వంసం చేయించడంపై విద్యార్థుల ఆగ్రహం వ్యక్తం చేస్తున్నారు.
పార్టీ సభ కోసం కాలేజ్ గ్రౌండ్ ను ఇష్టారీతిన ధ్వంసం చేస్తారా? అని సీరియస్ అవుతున్నారట. కాంగ్రెస్ సభ నేపథ్యంలో విద్యార్థుల నుంచి నిరసనలకు ఛాన్స్ ఉందని అంటున్నారు. కాగా, నేడు వరంగల్‌లో సీఎం రేవంత్ రెడ్డి పర్యటన ఉండనుంది. తెలంగాణలో కాంగ్రెస్ ప్రభుత్వం అధికారం చేపట్టి ఏడాది పూర్తవుతున్న సందర్భంగా ఇవాళ ప్రజాపాలన విజయోత్సవ సభ నిర్వహించనున్నారు. అలాగే.. వరంగంలో నేడు పలు అభివృద్ధి కార్యక్రమాలకు శంకుస్థాపన చేయనున్నారు సీఎం రేవంత్ రెడ్డి. అనంతరం మధ్యాహ్నం 2:30 కు హన్మకొండ కుడా గ్రౌండ్స్ హెలిపాడ్‌కు చేరుకుంటారు రేవంత్. ముందుగా కాళోజీ కళాక్షేత్రం ప్రారంభోత్సవం లో పాల్గొని ఆర్ట్ గ్యాలరీని సందర్శిస్తారు.
