BRS కు షాక్…దిలీప్ కొణతం మరోసారి అరెస్ట్ అయినట్లు సమాచారం. కాంగ్రెస్ ప్రభుత్వ వైఫల్యాలను సోషల్ మీడియా సాక్షిగా ఎండగడుతున్న తెలంగాణ ఉద్యమకారుడు, తెలంగాణ డిజిటల్ మీడియా మాజీ డైరక్టర్ దిలీప్ కొణతంను మళ్ళీ అరెస్ట్ చేసిన పోలీసులు అంటూ గులాబీ పార్టీకి సంబంధించిన సోషల్ మీడియాలో వార్తలు వస్తున్నాయి. దిలీప్ ను టాస్క్‌ఫోర్స్ పోలీసులు అదుపులోకి తీసుకున్నట్లు సమాచారం అందుతోంది.
గతంలో ప్రభుత్వం పెట్టిన కేసుల నిమిత్తం ఈరోజు ఉదయం సీసీఎస్ పోలీస్ స్టేషన్‌కు వెళ్లిన దిలీప్ కొణతంను అక్రమంగా అరెస్టు చేయించిందని రేవంత్ సర్కార్… పై గులాబీ పార్టీ ఆరోపణలు చేస్తోంది. సెప్టెంబర్ 5వ తేదీన ఒకసారి అరెస్టయిన దిలీప్ కొణతంకు బెయిల్ మంజూరు చేసింది కోర్టు..
