తెలంగాణ రాష్ట్ర కాంగ్రెస్ పార్టీలో తీవ్ర విషాదం చోటుచేసుకుంది. కీలక నేత మరణించారు. కాంగ్రెస్ సీనియర్ నేత, పి నర్సారెడ్డి ఇవాళ మృతి చెందారు. 92 సంవత్సరాలు ఉన్న పీ నర్సారెడ్డి… గత కొన్ని రోజులుగా అనారోగ్యంతో బాధపడుతున్నారు. అయితే ఆయన ఆరోగ్యం విషమం కావడంతో… ఇవాళ ఉదయం తుది శ్వాస విడిచారు.
నర్సారెడ్డి స్వస్థలం నిర్మల్ జిల్లా మలక్ చించోలి గ్రామం. 1971 నుంచి 1972 మధ్యలో ఉమ్మడి ఆంధ్రప్రదేశ్ పిసిసి అధ్యక్షులుగా కూడా నర్సారెడ్డి పనిచేశారు. అలాగే మాజీ సీఎం జలగం వెంగళరావు హయాంలో రెవెన్యూ శాఖ మంత్రిగా కూడా ఉన్నారు. ఎంపీగా అలాగే ఎమ్మెల్యేగా అటు ఎమ్మెల్సీగా వివిధ హోదాలలో పనిచేశారు నరసారెడ్డి. కాగా నర్సారెడ్డి మృతి పట్ల కాంగ్రెస్ నేతలు సంతాపం తెలుపుతున్నారు.
