హైదరాబాద్ వాసులకు షాక్‌ తగిలింది. హైదరాబాద్ మెట్రో రైల్ సేవలు నిలిచిపోయాయి. సాంకేతిక కారణాలతో దాదాపు రెండు గంటలుగా నిలిచిపోయాయి మెట్రో రైళ్లు. దీంతో.. హైదరాబాద్ వాసులు గందరగోళానికి గురైయ్యారు. సాంకేతిక కారణాలతో నాగోల్-రాయదుర్గం రూట్‌లో మెట్రో సేవల్లో ఆలస్యం అయింది.
అటు అమీర్‌పేట్ నుంచి హైటెక్ సిటీ, నాగోల్ నుంచి సికింద్రాబాద్, మియాపూర్ నుంచి అమీర్‌పేట్ మధ్య మెట్రో రైళ్లు ఆగిపోయాయి. మరికాసేపట్లో సిగ్నలింగ్ సమస్య ను పరిష్కారం అవుతుందంటున్నారు మెట్రో అధికారులు. ఉదయాన్నే ఆఫీస్ వేళలు కావడంతో తీవ్ర ఇబ్బందులు పడుతున్నారు ప్రయాణికులు. హైదరాబాద్ మెట్రో రైల్ సేవలు నిలిచిపోవడంతో.. హైదరాబాద్ ప్రయాణికులు తీవ్ర అవస్థలు పడుతున్నారు. మెట్రో స్టేషన్లలో వేలాది సంఖ్యలో ప్రయాణికులు వచ్చి.. నిలబడిపోయారు. దీనిపై ఇంకా వివరాలు తెలియాల్సి ఉంది.
