హైదరాబాద్ లో ఓ చిన్నారి వీధి కుక్కల బారిన పడి మృతి చెందిన విషయం తెలిసిందే. రోడ్డుపై వెళ్తున్న ఐదేళ్ల బాలుడిని వీధి కుక్కలు దారుణంగా కరిచి చంపేయడం అందరిని కలచివేసింది. ఈ విషాదకర ఉదాంతంపై ఎమ్మెల్యే రాజాసింగ్ స్పందించారు. ఈ ఘటనపై ఆయన తీవ్ర విచారం వ్యక్తం చేశారు. వీధి కుక్కల దాడిలో చనిపోయిన బాలుడి కుటుంబానికి ఆర్థిక సహాయం చేయాలని డిమాండ్ చేశారు.
వీధి కుక్కలకు పట్టుకొని అడవిలో వదిలి పెట్టాలన్నారు. కేటీఆర్ గారు మీకు పిల్లలు లేరా?.. ఆ బాలుడు చనిపోవడం బాధ కలగడం లేదా? అని ప్రశ్నించారు. జిహెచ్ఎంసి అధికారులు ఏదైనా సంఘటన జరిగితే హడావిడి చేసి ఆ తర్వాత మర్చిపోతారని.. కుక్కల్ని పట్టుకోవడానికి ప్రత్యేక టీమ్ లను ఏర్పాటు చేయాలని డిమాండ్ చేశారు. చంపేయాలని అంటే కొన్ని సంఘాలకు ఆగ్రహం వస్తుందని.. అందుకే వాటికి పట్టుకుని అడవిలో వదిలి వేయమని కోరుతున్నానని అన్నారు.
