పాలమూరు-రంగారెడ్డి లిప్ట్ ఇరిగేషన్ ప్రాజెక్టు వెట్ రన్ ను తెలంగాణ ముఖ్యమంత్రి కేసీఆర్ సెప్టెంబర్ 16న ప్రారంభించనున్నారు. ఉమ్మడి మహబూబ్ నగర్ జిల్లాలోని నార్లాపూర్ ఇన్ టేక్ వద్ద స్విచ్ ఆన్ చేసి వెట్ రన్ ను కేసీఆర్ ప్రారంభిస్తారు. పాలమూరు-రంగారెడ్డి లిప్ట్ ఇరిగేషన్ ప్రాజెక్టుపై ఇవాళ సీఎం కేసీఆర్ తెలంగాణ సచివాలయంలో సమీక్ష నిర్వహించారు.
ఉమ్మడి మహబూబ్ నగర్ జిల్లాలోని నార్లాపూర్ ఇన్ టేక్ వద్ద స్విచ్ ఆన్ చేసి వెట్ రన్ ను కేసీఆర్ ప్రారంభిస్తారు. పాలమూరు-రంగారెడ్డి లిఫ్ట్ ఇరిగేషన్ ప్రాజెక్టుపై సీఎం కేసీఆర్ ఇవాళ తెలంగాణ సచివాలయంలో సమీక్ష నిర్వహించారు. రెండు కిలో మీటర్ల దూరంలోని నార్లపూర్ రిజర్వాయర్ లోకి నీటిని భారీ మోటార్లతో పంపింగ్ చేస్తారు. ఈ సందర్భంగా కృష్ణానదికి సీఎం కేసీఆర్ ప్రత్యేక పూజలు నిర్వహిస్తారు. అదే రోజున భారీ బహిరంగ సభ నిర్వహించాలని నిర్ణయం తీసుకున్నారు. పాలమూరు- రంగారెడ్డి జిల్లాల నుండి జనాన్ని ఈ సభకు జనాన్ని సమీకరించనున్నారు.
పాలమూరు-రంగారెడ్డి ఎత్తిపోతల ప్రాజెక్టు నుండి కృష్ణా జలాలను కలశాలతో ప్రతి గ్రామానికి తీసుకుపోతారు. ఈనెల 17 న ఉమ్మడి మహబూబ్ నగర్ రంగారెడ్డి జిల్లాలోని ప్రతీ గ్రామంలో దేవుళ్ళ పాదాలకు అభిషేకం చేయనున్నారు ఆయా గ్రామాల ప్రజాప్రతినిధులు, ప్రజలు. పాలమూరు- రంగారెడ్డి ఎత్తిపోతల పథకం అడ్డంకులు తొలిగినందుకు గ్రామాల్లో దేవాలయాల్లో దేవుళ్ల పాదాలను పాలమూరు జలాలతో అభిషేకం చేసి మొక్కు తీర్చుకోవాలని కేసీఆర్ కోరారు. పాలమూరు-రంగారెడ్డి ప్రాజెక్టు నీళ్లు రావడం దక్షిణ తెలంగాణ కు పండుగ రోజుగా ఆయన పేర్కొన్నారు. కాళేశ్వరం ప్రాజెక్టు పూర్తి చేసిన స్ఫూర్తితోనే పాలమూరు రంగారెడ్డిని పూర్తి చేయాలని ఆయన అధికారులను కోరారు.
