వివాహ వేడుకలో విషాదం చోటు చేసుకుంది. జనగాం జిల్లాలో వివాహ రిసెప్షన్ కి వెళ్లి తిరిగి వస్తుండగా రోడ్డు ప్రమాదం జరిగింది. ఈ ప్రమాదంలో ఇద్దరు మృతి చెందారు. ఈ సంఘటన వివరాలు ఇలా ఉన్నాయి. జగిత్యాల-కరీంనగర్ జాతీయ రహదారిపై ధరూర్ వద్ద కారును ఆర్టీసీ బస్సు కొట్టింది. కారులో ప్రయాణిస్తున్న ఇద్దరు మృతి చెందగా, మరో ఇద్దరికీ తీవ్ర గాయాలు అయ్యాయి. కారులో ప్రయాణిస్తున్న నలుగురు జగిత్యాల పట్టణానికి చెందినవారు అని పోలీసులు గుర్తించారు.
కారు నడుపుతున్న సంకీర్త్ అనే యువకుడు,అతని పక్కనే ఉన్న మరో యువతి మృతి చెందారు. వెనుకనున్న రాయమల్లు, ఆయన భార్యకు తీవ్ర గాయాలు కాగా ఆసుపత్రికి తరలించారు. సంకీర్త్ ఆయన తల్లిదండ్రులతో కలిసి జనగామ కు పెళ్లి హాజరై తిరిగి వస్తుండగా ప్రమాదం చోటు చేసుకుందని చెబుతున్నారు పోలీసులు. జగిత్యాల డిపోకు చెందిన ఆర్టిసి బస్సు ముందు టైరు ఊడిపోయి ఉందని గుర్తించారు. టైరు ఊడిపోయి ప్రమాదం జరిగిందా లేక ఢీకొట్టిన సమయంలో టైరు ఓడిపోయిందా తెలియ రాలేదు. ఘటన స్థలానికి చేరుకున్న పోలీసులు ప్రమాదంపై విచారణ చేస్తున్నారు.
