బీఆర్ఎస్ పార్టీ పుట్టుక సంచలనం.. దారి పొడవునా రాజీలేని రణం అని 24వ ఆవిర్భావ దినోత్సవ సందర్భంగా బీఆర్ఎస్ వర్కింగ్ ప్రెసిడెంట్ కేటీఆర్ శుభాకాంక్షలు తెలిపారు. తెలంగాణ మట్టిలో పుట్టిన ఇంటి పార్టీ, ఈ నేల మేలుకోరే పార్టీ బీఆర్ఎస్. రెపరెపలాడే గులాబీ పతాకం, తెలంగాణ ఎగరవేసిన జయకేతనం, పర పీడన చెర విడిపించిన ఉద్యమ జెండా, పసిడి కాంతులు పంచిన ఉజ్వల ప్రగతి బావుటా, పుట్టుకే ఒక సంచలనం, దారి పొడవునా రాజీలేని రణం, ఆత్మగౌరవ మెరుపులు, అభివృద్ధి పరిమళాలు అందుకున్న స్వీయ రాజకీయ పార్టీ అని, గులాబీ పార్టీ ప్రస్థానం అని తెలిపారు.
అమేయం..అజేయం..అనితర సాధ్యం గులాబీ పరివర్తన ప్రస్థానం. ముళ్లూ రాళ్లూ అవాంతరాలను అధిగమిస్తూ పరవళ్లు తొక్కిన పయనం, చావునోట్లో తలబెట్టి సాహసంగా పోరాడిన దళపతి. లాఠీలకు, జైళ్లకు వెరవక కొట్లాడిన గులాబీ సైనికుల త్యాగ నిరతి. ఆటుపోట్లను చూసి అదిరిపడలేదు, ఎదురుదెబ్బలకు బెదిరిపోలేదు, గెలిస్త పొంగిపోలేదు, ఓటములకు కుంగిపోలేదు, జయాపజయాలకు అతీతమైన స్థిత ప్రజ్ఞత. ఆకులురాలే శిశిరంలో ఆకుపచ్చని వసంతంలోనూ ఒకటే నిబద్ధతన్నారు.
