దేశంలోనే కాంగ్రెస్ కి ఆల్టర్ నేట్ పార్టీ లేదు అన్నారు కే.కేశవరావు. ఇవాళ మీడియాతో మాట్లాడుతూ.. పలు ఆసక్తికర విషయాలను వెల్లడించారు. తాను తెలంగాణ కోసం అప్పట్లో ఎంపీలతో కలిసి పోరాటం చేశా.. కాంగ్రెస్ పార్టీ గ్రేట్ పార్టీ.. మంత్రిగా, ఎంపీగా, సీడబ్ల్యూసీ మెంబర్ గా కాంగ్రెస్ పార్టీ అవకాశం ఇచ్చింది అని తెలిపారు.
తన 85 ఏళ్ల జీవితంలో 55 ఏళ్ల పాటు కాంగ్రెస్ పార్టీలో కొనసాగానని తెలిపారు. నా రాజకీయ జీవితంలో కాంగ్రెస్ ఎంతో చేసింది. తెలంగాణ పై తీర్మాణం చేసినప్పుడు కాకా వెంకటస్వామితో కలిసి పని చేశాను. చిన్న గొడవతోనే తాను కాంగ్రెస్ పార్టీని వీడానని తెలిపారు. తెలంగాణ ఇచ్చింది కాంగ్రెస్ పార్టీనే.. ఆ సమయంలో నేను టీఆర్ఎస్ పార్టీలో చేరానని తెలిపారు. తెలంగాణ ఇవాళ దేశంలో నెంబర్ వన్ రాష్ట్రంగా తీర్చిదిద్దారు కేసీఆర్. ఫ్యామిలీనే నడిపిస్తుంది.. క్యాడర్ ని దూరం చేసుకోకూడదు సూచించానని తెలిపారు కే.కే.
