కేసీఆర్ పై విజయశాంతి సంచలన వ్యాఖ్యలు చేశారు. “బండెనక బండి కట్టి పదహారు బండ్లు కట్టి ” అని నాడు తెలంగాణ ల మారుమోగిన గీతం, ఇయ్యాల “బండెనక బండి కొని బాయీసు(22) బండ్లు కొని ఏ బండిలెల్లదమని దొరగారు”…. అన్న తీరుగా తిరిగి అడగవలసి వచ్చింది, ఈ 22 కార్ల కొనుగోలు కై కేసీఆర్ గారు సుమారు 100 కోట్ల రూపాయల ప్రజాధన దుర్వినియోగం చేసాడని నిప్పులు చెరిగారు విజయశాంతి.
అయితే దీని గురించి సీఎం రేవంత్ రెడ్డి చెప్పింది విన్నంక. లక్షల కోట్ల అవినీతి, ప్రాజెక్టులు, ధరణి కుంభకోణాలు , ఇసుక మాఫియా దోపిడికి సమాధానం ఇప్పటికీ లేదు, ఈ కార్లు కొని దాచిపెట్డుడు ఇంకో సిగ్గుపడాల్సిన అంశం అంటూ చురకలు అంటించారు. దండుపాళ్యం దోపిడి బ్యాచ్ లెక్క , దొరలు అందిన అన్నింటా దోచుకుని, ఇప్పుడు చప్పుడు చెయ్యం సమాధానం చెప్పం అంటే నడవదని హెచ్చరించారు. మీరు జనం ముందుకెళ్లాలంటే , సమాధానం చెప్పి వెళ్లాలి, అప్పటిదాకా ఎన్నిసార్లైనా అడుగుతనే ఉంటామని వార్నింగ్ ఇచ్చారు విజయశాంతి. మల్లా మల్లా అడుగుతూనే ఉంటామన్నారు విజయశాంతి.
