అనంతపురం క్లాక్ టవర్ వద్ద ఉద్రిక్త వాతావరణం నెలకొంది. వైసిపి – టిడిపి కార్యకర్తల మధ్య ఘర్షణలతో ఉద్రిక్తత నెలకొంది. రాప్తాడు అభివృద్ధిపై ఇక్కడికి వచ్చి మాట్లాడాలని టిడిపి సోషల్ మీడియాలో సవాల్ చేయగా.. వైసీపీ కార్యకర్త రామకృష్ణారెడ్డి అక్కడికి వెళ్లారు. టిడిపి ఆఫీస్ వద్దకు వెళ్లి సెల్ఫీ వీడియోలో పలు ఆరోపణలు చేశారు.
ఆ తర్వాత అనంతపురం క్లాక్ టవర్ వద్దకు రాగా.. టిడిపి కార్యకర్తలు అక్కడికి చేరుకోవడంతో ఘర్షణ చెలరేగింది. వైసిపి – టిడిపి వర్గీయులు ఘర్షణకు దిగారు. ఈ రాళ్ల దాడిలో కానిస్టేబుల్ తో పాటు మరొకరికి గాయాలు అయ్యాయి. పోలీసు వలయాన్ని చేదించుకొని క్లాక్ టవర్ వద్దకు చేరుకున్నారు గుంటూరుకు చెందిన వైసిపి సోషల్ మీడియా మద్దతు దారుడు. దీంతో అతన్ని అరెస్టు చేసి పోలీస్ స్టేషన్ కి తరలించారు.
