రాజ్యసభ ఉప ఎన్నికలకు షెడ్యూల్ విడుదల చేసిన ఎన్నికల సంఘం…. ఈ మేరకు కీలక ప్రకటన చేసింది. డిసెంబర్ 20 న రాజ్యసభ స్థానాలకు ఉప ఎన్నికలు పోలింగ్ నిర్వహించనున్నారు. నాలుగు రాష్ట్రాల్లో 6 రాజ్యసభ స్థానాలకు ఉప ఎన్నికలు జరుగనున్నాయి. ఆంధ్రప్రదేశ్ లో మూడు రాజ్యసభ స్థానాలకు ఉప ఎన్నిక జరుగనుంది.
మోపిదేవి వెంకటరమణ, బీద మస్తాన్ రావు, ఆర్ కృష్ణయ్యల రాజీనామాతో స్థానాలు ఖాళీ అయ్యాయి. ఒడిస్సా, వెస్ట్ బెంగాల్, హర్యానా రాష్ట్రాల్లో ఒక్కో రాజ్యసభకు ఉప ఎన్నిక జరుగనుంది. రాజ్యసభ ఉప ఎన్నికల నోటిఫికేషన్ డిసెంబర్ 3 ఉంటుంది. డిసెంబర్ 10వ తేదీ నామినేషన్ దాఖలకు చివరి తేదీ కాగా, 13వ తేదీ విత్ డ్రాయల్స్ ఉంటాయి. డిసెంబర్ 20న పోలింగ్ జరుగనుంది. ఉదయం 9 గంటల నుంచి సాయంత్రం నాలుగు గంటల వరకు పోలింగ్ నిర్వహించనున్నారు. పోలింగ్ రోజునే ఐదు గంటల తర్వాత కౌంటింగ్ ప్రారంభం కానుంది.
