ఏపీపై ఫెంగల్ తుఫాన్ ప్రభావం తీవ్రంగా ఉన్నది. దీంతో ఏపీలోని పలు జిల్లాల్లో భారీ వర్షాలు కురుస్తున్నాయి. ఈ క్రమంలోనే తిరుపతి సమీపంలో చిట్టమూరు మండలం రొయ్యల వాగు పొంగి పొర్లడంతో పంటపొలాలు, జనావాసాలు వరద ముంపునకు గురయ్యాయి. కొత్తగుంట వద్ద రొయ్యల వాగు వద్ద దాటే క్రమంలో ఇద్దరు వ్యక్తులు గల్లంతయ్యారు. కోట మండలం చెందిన మధు రెడ్డి , షారుక్‌లు వాగు దాటే క్రమంలో వరధ ఉదృతిలో కొట్టుకుపోయారు.
గల్లంతైన ఇద్దరి కోసం చిట్టమూరు పోలీసులు రెస్క్యూ ఆపరేషన్ కొనసాగిస్తున్నారు. ఇక అటు చైన్నైలోనూ ఫెంగల్ తుఫాన్ భీభత్సం కొనసాగుతోంది. తిరువణ్ణామలైలో కురుస్తున్న భారీ వర్షాలకు ఇళ్లపై కొండచరియలు విరిగి పడ్డాయి. ఈ ఘటనలో శిథిలాల కింద ఏడుగురు చిక్కుకున్నట్లు సమాచారం. రెస్క్యూ ఆపరేషన్ చేపట్టిన అధికారులు వారిని రక్షించే ప్రయత్నంలో చేరారు. అనంతరం అధికారులు చుట్టుు ప్కల గల గ్రామాలన్ని ఖాళీ చేయించి సురక్షిత ప్రాంతానికి తరలించారు.
