పవర్ స్టార్ పవన్ కళ్యాణ్ హీరోగా నటిస్తున్న చిత్రం ఓ జి.. ముంబై బ్యాక్ డ్రాప్ లో గ్యాంగ్ స్టార్ డ్రామాగా సుజీత్ దర్శకత్వంలో ఈ స్టైలిష్ యాక్షన్ ఎంటర్టైన్మెంట్ మూవీ తెరకెక్కుతోంది. డివివి దానయ్య నిర్మిస్తున్న ఈ సినిమా పైన ఉన్నంత బజ్ పవన్ నటిస్తున్న ఇంకే సినిమా పైన లేదని చెప్పాలి.
తాజాగా OG మూవీపై బాలీవుడ్ నటుడు ఇమ్రాన్ హష్మీ క్రేజీ అప్డేట్ ఇచ్చారు. ఓ ఇంటర్వ్యూలో మాట్లాడుతూ.. ‘పవర్ స్టార్ నాపై వేర్వేరుగా సన్నివేశాల చిత్రీకరణ పూర్తయ్యింది. మా ఇద్దరి కాంబినేషన్లో షూటింగ్ జరగాల్సి ఉంది. ఆ సీన్లు మరోస్థాయిలో ఉంటాయి అని తెలిపారు. తొలుత మూవీ రిలీజ్ ను సెప్టెంబర్కు ప్లాన్ చేయగా, ఇప్పుడు నిర్మాతలు కొత్త డేట్ కోసం చూస్తున్నారు’ అని తెలిపారు.ఈ మూవీలో ప్రియాంక అరుళ్ మోహన్ హీరోయిన్గా నటిస్తున్నారు. ఎస్ఎస్ తమన్ సంగీతం అందిస్తున్నారు.
