అమ్మాయికి మెసేజ్ చేశాడని..యువకుడిని చెట్టుకు కట్టేసి చిత్రహింసలు

ఏపీలోని డాక్టర్ బీఆర్ అంబేడ్కర్ కొనసీమ జిల్లాలో దారుణం చోటుచేసుకుంది. ఓ యువకుడిపై ముగ్గురు యువకులు విచక్షణా రహితంగా దాడికి పాల్పడ్డారు. ఎవరూలోని ప్రాంతంలోకి అతన్ని తీసుకెళ్లి కొబ్బరి మట్టలతో కొడుతూనే మందు బాటిళ్లను తలపై పగులగొట్టారు. ఈ ఘటన మలికిపురంలో ఆలస్యంగా వెలుగుచూసింది.

ఈ దాడికి వెనుక ఓ అమ్మాయి కారణమని తెలుస్తోంది. అమ్మాయికి ఎందుకు మెసేజ్ చేస్తున్నావంటూ అతనిపై ముగ్గురు దాడి చేయడంతో పాటు అతని చొక్కా చింపేసి చెట్టుకు కట్టేసి విచక్షణారహితంగా కొట్టారు. అంతటితో ఆగకుండా వీడియో తీసి సోషల్ మీడియోలో పోస్టు చేయగా ఒక్కసారిగా వైరల్ అయ్యింది. దీంతో ఈ ఘటనపై కేసు నమోదు చేసి దర్యాప్తు చేస్తున్నట్లు పోలీసులు తెలిపారు.