ఆంధ్రప్రదేశ్ రాష్ట్ర వ్యాప్తంగా అసెంబ్లీ, పార్లమెంట్ ఎన్నికలు సమీపిస్తుండడంతో మేమంతా సిద్ధం పేరుతో ముఖ్యమంత్రి వైఎస్ జగన్ చేపట్టిన బస్సు యాత్ర విజయవంతంగా కొనసాగుతోంది. రేపటితో ఈ యాత్ర 9వ రోజుకు చేరనుంది.ఇక ఈ బస్సు యాత్రకు సంబంధించిన షెడ్యూల్‌ను వైఎస్సార్‌సీపీ రాష్ట్ర ప్రధాన కార్యదర్శి తలశిల రఘురాం ఇవాళ రిలీజ్ చేశారు. యాత్రలో భాగంగా ముఖ్యమంత్రి వైయస్ జగన్మోహన్ రెడ్డి ఉదయం 9 గంటలకు చింతరెడ్డి పాలెం రాత్రి బస చేసి, అక్కడి నుండి బయలుదేరుతారు.
కొవ్వూరు క్రాస్ , సున్నబట్టి, తిప్ప, గౌరవరం మీదగా ఆర్ఎస్ఆర్ ఇంటర్నేషనల్ స్కూల్ వద్దకు చేరుకున్న తర్వాత భోజన చేసి విరామం తీసుకుంటారు. కావలి క్రాస్ మీదుగా కావలి జాతీయ రహదారి చేరుకుని సాయంత్రం 3 గంటలకి బహిరంగ సభలో పాల్గొంటారు.ఇక సభ అనంతరం ఏలూరుపాడు, ఉలవపాడు క్రాస్ , సింగరాయకొండ క్రాస్, ఓగురు, కందుకూరు, పొన్నలూరు,వెంకుపాలెం మీదుగా జువ్విగుంట క్రాస్ వద్ద రాత్రి బసకు చేరుకుంటారు.ఇప్పటికే వైసీపీ నేతలు ముఖ్యమంత్రి జగన్ 9వ రోజు యాత్ర కోసం ఏర్పాట్లు పూర్తి చేశారు.
