మహ్మద్ ప్రవక్తపై నూపుర్ శర్మ వ్యాఖ్యలు వివాదాలకు, విమర్శలకు దారి తీసింది.అంతేకాదు రాజకీయాల్లో చిచ్చు పెట్టిన సంగతి అందరికి తెలుసు..దేశవ్యాప్తంగా చెలరేగిన మంటలు ఇప్పుడిప్పుడే చల్లారుతున్నాయి. ఇలాంటి పరిణామాలు నెలకొన్న ఈ పరిస్థితుల్లో ఒక ముస్లిం యువకుడు ఉత్తరప్రదేశ్ ముఖ్యమంత్రి యోగి ఆదిత్యనాథ్ ముఖ చిత్రాన్ని టాటూ వేయించుకున్న వార్త నెట్టింట హల్ చల్ చేస్తుంది.
యూపీలోని ఈటా జిల్లా అలీగంజ్ తాలూకాలోని కస్బ సరై అఘాత్ ప్రాంతానికి చెందిని ఓ యువకుడు యామీన్ సిద్దిఖీ.యూపీ సీఎం యోగి ఆదిత్యనాథ్ అంటే ఈ యువకుడికి ఎంతో ఇష్టం. ఆయనే తన రోల్ మోడల్ అని సిద్దిఖీ చెప్పుకొచ్చాడు.యోగిపై అతనికి ఎంత అభిమానమంటే ఆయన ఫొటోను ఛాతిపై టాటూ వేయించుకున్నాడు.
ఈ ఫొటోలు సోషల్ మీడియాలో వైరల్‌గా మారాయి. సిద్దిఖీ అనే ఈ యువకుడు ఒక ఫుట్‌వేర్ వ్యాపారి. ఒకప్పుడు సమాజ్‌వాదీ జెండా మోసిన ఇతను యోగి ప్రభుత్వ పనితీరు నచ్చి అతనికి పెద్ద అభిమానిగా మారాడని చెబుతున్నాడు..సీఎం యోగి నేరస్తుల నుంచి పేదవారిని కాపాడుతున్నాడని, మంచి పనులు చేస్తున్నారని ఈ యువకుడు కితాబిచ్చాడు. ఆకతాయిలపై చర్యలు తీసుకోవడంలో యోగి ఆదిత్యనాథ్ అస్సలు ఆలస్యం చేయరని, అందుకే అతని ముఖాన్ని ఇలా టాటూ వేయించుకున్నాడు..ఇందుకు సంబంధించిన ఫోటోలు సోషల్ మీడియా లో వైరల్ అవుతున్నాయి..
