టోక్యో: ఒలింపిక్స్‌లో దీపికా కుమారి అద్భుతంగా రాణిస్తున్నారు. మహిళల విభాగంలో స్వర్ణ పతకమే లక్ష్యంగా ఆర్చరీలో దూకుడు చూపుతున్నారు. ప్రీక్వార్టర్స్‌లో తన బాణానికి పదును పెట్టారు. దీంతో అద్భుత విజయం సొంతం చేసుకున్నారు. తొలుత నెమ్మదిగా కనిపించిన దీపికా.. ప్రస్తుతం టార్గెట్ దిశగా దూసుకుపోతున్నారు. ఫలితంగా ప్రీక్వార్టర్స్‌లో ప్రత్యర్థిని చిత్తు చేశారు. రష్యా ఒలింపిక్ కమిటీ ఆర్చర్‌పై ఘన విజయం సాధించారు. పెరివా సెనియాపై 6-5 తేడాతో దీపికా కుమారి గెలిచారు. దీంతో ఒలింపిక్స్‌లో ఆమె మరో విజయాన్ని తన ఖాతాలో వేసుకున్నారు.
